Nesër protestojnë shqiptarët e Luginës së Preshevës

21:26 | 11 Gusht 2024
E.G

Shqiptarët e Luginës së Preshevës kanë paralajmëruar mbajtjen e një proteste në Bujanoc për nesër në ora 11:00.

Motoja ”Për dinjitet e për identitet”, do t’u prijë kërkesave të ndalohet pasivizimi i adresave dhe të kryhen obligimet nga shteti serb për shqiptarët me marrëveshjet e mëhershme.

Lidhur me këtë ka shkruajtur edhe kryetarja e komunës së Preshevës, Ardita Sinani.

Me anë të një postimi në Facebook, ajo ka shkruajtur se edhe pak orë na ndajnë nga protesta.

“Protestë për drejtësi, barazi. Kundër shtypjes, diskriminimit e shkeljes që na bëhet nga Beogradi. Të dalim bashkë, pa dallim. Të ngrisim zërin tonë. Për IDENTITET e DINJITET. Zërin e shqiptarëve të diskriminuar.”, ka shkruar ajo.

“Takohemi nesër në ora 11:00 në Sheshin e Bujanocit.”, shtoi Sinani./Arbresh.info/